 |
| المنتدى | التسجيل | لوحة التحكم | الرئيسية | التواصل معنا |
| |
| أخر عشرة مواضيع : |
| |||||||
| التسجيل | البحث | مشاركات اليوم | اجعل كافة الأقسام مقروءة |
 |
| | LinkBack | أدوات الموضوع | انواع عرض الموضوع |
09-12-2008, 01:38 PM
| ||||
| ||||
 ـــ شاب على massenger ـــ  شاب على الماسنجر ( شكري الحساس)   الشاب (شكري الحساس) :هاي البنت:هاي شكري الحساس :أزيك عامله أيه البنت : الحمد لله بخير , ممكن أعرف مين حضرتك شكري الحساس :أعرفك بنفسي أنا شكري الي في المنتدى البنت: :أهلا بيك يا أستاذ شكري , خير في حاجه ولا أيه شكري الحساس: بصراحه أول مره أكلم بنت وأضيف ميلها عندي لأني فاشل في أكلم بنت ومليش في المواضيع دي ( وهو اساسا خبير في هذه العلاقات ) أنا كنت عايز أشكرك على الموضوع الجميل الي نزلتيه أمبارح موضوع كان بجد جامد تسلم أيدك البنت: مرسي من زوق حضرتك شكري الحساس :لا بجد أنتي أسلوبك جميل وردودك جميله جدا وبتابعها ديما وبتعجبني أراءك في كل المواضيعودمك خفيف سكر بجد البنت: مرسي شكري الحساس: لا من غير مرسي أنا مش بجامل ( وهو أساسا بينافق) البنت: طيب بعد اذنك بس أنا مضطره أقفل دلوقتي شكري الحساس : لا برحتك ولا يهمك , أن شاء الله نكمل كلامنا بعدين البنت: أوك . سلام شكري الحساس : سلام يا قمر بعد كام يوم  شكري الحساس: هاي أزيك البنت : هاي عامل أيه يا أستاذ شكري شكري الحساس : الحمد لله , ما بلاش أستاذ دي وخليها شكري أحنا مش بقينا أصدقاء ولا أيه البنت : عادي يعني شكري الحساس : طيب ياريت مش تعملي فرق خليها واحد , بجد تسلم أيدك على الموضوع الجامد الجديد البنت : بس أنا مش نزلت موضوع جديد ( كسفه جامده بس العالم دي مش بيحوق فيها حاجه )  شكري الحساس : يبقى قديم المهم أنه عجبني , أنتي أكتر واحده بقرأ مواضيعها وردودها ,اسلوب أنسانه مثقه وعاقله ودمها خفيف البنت : كل من زوقك يا شكري شكري الحساس : لا بجد دي حقيقه , أنا كنت عايز أتعرف عليكي أكتر وأعرفك كويس البنت : ليه دا كله شكري الحساس : يعني أحب أعرف الأنسانه الي بكلمها لأنك شخصية تستحق تتعرف البنت : أوك هاقلك ......... بعد كام أسبوع  شكري الحساس : هاي أيه فينك مش باينه البنت : موجود بس كان في ظروف بس شكري الحساس : أنتي متعرفيش أنا كنت عامل أزاي وأنتي مش بتدخلي ولا أكلمك البنت : معلش حصل خير شكري الحساس : ممكن أسمعك حاجه كنت كتبها وتقوليلي أيه رأيك ( وهو جيبها من حته تانيه مش كتبها) البنت : أتفضل شكري الحساس : فين يا نور العين ألاقيكي كل يوم بدور عليكي أفتح الماسنجر مش بلاقيكي أسأل عليكي قلبي الي جوا يرد يقلي هو الحب هو و أحلم بيوم الرجوع حتى لو هاموت من الجوع وعنيا تنزل دموع أقوى من دموع البصل وتقشيره أنتي غيرتي حياتي وقلبي بكل مقاديره ( على أساس أنه بيحب مطبخ مش عارف)  ياريت متسبنيش تاني علشان مقليش على قلبك أناني أعطاني وحرمني في عز أشواقي أه يا حبيبت قلبي يا كل وجداني البنت : جميل تسلم أيدك يا شكري شكري الحساس : عجبتك , بجد , أنا كتبها علشانك البنت : علشاني أنا شكري الحساس : أه أنتي متعرفيش عملتي فيا أيه أنتي أنسانه غيرت حياتي في كل شيء أنتي خليتيني أعيش الدنيا من تاني البنت : أنا ( صدقت للأسف )  شكري الحساس : أه أنتي , ممكن أرتبط بيكي البنت : أنت فجأتني بالموضوع دا أديني فرصه أفكر شكري الحساس : فكري برحتك وقرري بس ياريت مش تأسي على قلب حبك بجد وهايعمل كل حاجه ترضيكي البنت : أوك بعد كام شهر  شكري الحساس : أزيك أخبارك أيه البنت : أيه فينك كل ما أتصل بيك قافل الموبيل , مش طايق تكلمني ولا أيه في حاجه مزعلاك مني شكري الحساس : لا أصل حصلت ظروف غصبن عني البنت : خير طمني شكري الحساس : للأسف مش هانقدر نكمل مع بعض البنت : ليه حصل أيه شكري الحساس : ظروف تمنعني أننا نكمل وغصبن عني بجد مش هاقدر أكمل ( وهو زهق منها ومش طيقها وشاف غيرها ) البنت : طيب وأنا وحبنا شكري الحساس : معلش غصبن عني هاتلاقي أحسن مني , معلش أنا مضطر أقفل , اه وياريت تمسحي نمرة موبيلي من عندك علشان خلاص مش بقى ينفع البنت : أستنى شكري الحساس : معلش يلا سلام ، أشوف وشك بخير ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ دا شكري الحساس الي مقضيها ماسنجر وضحك على البنات واللعب بمشاعرهم وفاكرها شطاره وعايش حياته صح للأسف أمثال شكري كتروا قوي وما عليهم أنهم يلعبوا بمشاعر الناس وبس والضحية هي البنت وتفقد حاجات غالية عليها تفقد حبها ومشاعرها كل هذا علشان أمثال شكري رساله إلى كل أمثال شكري الحساس أتقي الله قال رسول الله ( صلى الله عليه وسلم) (البر لا يبلى والذنب لا ينسى والديان لا يموت, افعل ما شئت فكما تدين تدان( صدق رسول الله صلى الله عليه وسلم أعلم أن الله يراك. مش حاجه حلوه أنك تتضحك على دي وتعرف دي ربنا شايفك وهايحسبك على كل حاجه بتعملها ( الحب مش أنك تعرف واحده وتقعد تقلها كلام وفي الأخر تقلها مع السلامه مفيش نصيب) أتقي الله وللأسف في بنات بردو يمكن أمثال شكري بس طبعا في فرق بين الأتنين ولكن كلهما سواء وهو اللعب بمشاعر الآخرين في كلام كنت عايز أقوله ولكن قد يطول الحديث وحتى لا يصيب الملل من يقرأ الموضوع
 |
|
09-13-2008, 02:49 PM
| ||||
| ||||
 ويارب أهدى الجميع
|
|
11-15-2008, 09:53 PM
| ||||
| ||||
| جزاك الله خير عليه وياريت الكل يتقى ربنا فى معاملاته
|
|
11-17-2008, 09:57 AM
| ||||
| ||||
| بارك الله فيك
|
|
12-28-2008, 01:51 AM
| ||||
| ||||
 رائع جدا  رائع جدا وجميل موضوعك وتستحق ان الواحد يقرأة عشان يحرس من الذى شكرى دة ممتاز وربنا يوفق
|
|
| أدوات الموضوع | |
| انواع عرض الموضوع | |
|
|
.gif)
العرض العادي
